ಯಗಚಿ ಡ್ಯಾಮ್ವು ಕರ್ನಾಟಕ ರಾಜ್ಯದ ಹಾಸನ ಜಿಲ್ಲೆಯ ಬೇಲೂರು ತಾಲೂಕಿನ ಚಿಕ್ಕಬೈದಿಗೆರೆ ಗ್ರಾಮದಲ್ಲಿ, ಕಾವೇರಿ ನದಿಯ ಉಪನದಿಯಾದ ಯಗಚಿ ನದಿಗೆ ಅಡ್ಡಲಾಗಿ ನಿರ್ಮಿಸಲಾದ ಆಣೆಕಟ್ಟಾಗಿದೆ. ಈ ಅಣೆಕಟ್ಟನ್ನು 2001ರಲ್ಲಿ ನಿರ್ಮಿಸಲಾಯಿತು. ಜಲಾಶಯವು ಸಮುದ್ರ ಮಟ್ಟದಿಂದ 965 ಅಡಿ ಎತ್ತರದಲ್ಲಿದೆ. ಯಗಚಿ ಅಣೆಕಟ್ಟಿನ ಉದ್ದ 1,280 ಮೀಟರ್ಗಳು ಹಾಗೂ ಜಲಾಶಯದ ಅಡಿಪಾಯದ ಮೇಲಿನ ಗರಿಷ್ಠ ಎತ್ತರ 26.237 ಮೀಟರ್ ಆಗಿದೆ.
ಯಗಚಿ ಅಣೆಕಟ್ಟು ಬೇಲೂರು ದೂರಗಳು
- ಬೆಂಗಳೂರು – 217 ಕಿ.ಮೀ
- ಹಾಸನ – 38 ಕಿ.ಮೀ
- ಬೇಲೂರು – 3 ಕಿ.ಮೀ
- ಚಿಕ್ಕಮಗಳೂರು ರೈಲ್ವೆ ನಿಲ್ದಾಣ – 21 ಕಿ.ಮೀ
- ಹಾಸನ ರೈಲ್ವೆ ನಿಲ್ದಾಣ – 41 ಕಿ.ಮೀ
ನೀರಾವರಿ ಉದ್ದೇಶಕ್ಕಾಗಿ ಹಾಗು ಬೇಲೂರು, ಚಿಕ್ಕಮಗಳೂರು ಮತ್ತು ಹಾಸನ ಜಿಲ್ಲೆಗಳ ಕುಡಿಯುವ ನೀರಿನ ಬೇಡಿಕೆಗಳನ್ನು ಪೂರೈಸುವ ಉದ್ದೇಶದಿಂದ ಈ ಅಣೆಕಟ್ಟನ್ನು ನಿರ್ಮಿಸಲಾಗಿದೆ.
ಇದು 5 ಗೇಟ್ಗಳನ್ನು ಹೊಂದಿರುವ ಸಣ್ಣ ಅಣೆಕಟ್ಟಾಗಿದೆ. ಪ್ರವೇಶದ್ವಾರವು ಎರಡು ಮಾರ್ಗಗಳನ್ನು ಹೊಂದಿದೆ: ಒಂದು ಜಲಾಶಯದ ನೋಟಕ್ಕೆ ಕರೆದೊಯ್ಯುತ್ತದೆ ಮತ್ತು ಇನ್ನೊಂದು ನದಿಯ ಕೆಳಭಾಗದ ಕಡೆಗೆ ಹೋಗುತ್ತದೆ, ಅಲ್ಲಿ ಗೇಟ್ಗಳ ಮೂಲಕ ನೀರು ಹರಿಯುತ್ತದೆ. ಇಲ್ಲಿ ಬೋಟಿಂಗ್ ಸೇರಿದಂತೆ ಕೆಲವು ಜಲಕ್ರೀಡೆಗಳ ಸೌಲಭ್ಯವೂ ಲಭ್ಯವಿದೆ.
ಇದು ಉತ್ತಮ ಪಿಕ್ನಿಕ್ ಸ್ಥಳವಾಗಿದ್ದು, ಅತ್ಯಂತ ರಮಣೀಯ ನೋಟವನ್ನು ಹೊಂದಿದೆ. ಅಣೆಕಟ್ಟಿನ ಉದ್ದಕ್ಕೂ ಇರುವ ಉದ್ಯಾನವನದಲ್ಲಿ ನಡೆದು, ಹರಿಯುವ ನೀರಿನ ಸುಂದರ ನೋಟವನ್ನು ಅನುಭವಿಸಬಹುದು.
ಭೇಟಿ ನೀಡಿ